أنا الحب ال كان


ثقافى أجتماعى رياضى ترفهيى
 
الرئيسيةالرئيسية  البوابةالبوابة  التسجيلالتسجيل  دخولدخول  

شاطر | 
 

  اخطاء في المكياج ممكن تبينك اكبر من سنك..تجنبيها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
الادارة
الادارة
avatar

عدد المساهمات : 4892
السٌّمعَة : 344
تاريخ التسجيل : 26/02/2011

مُساهمةموضوع: اخطاء في المكياج ممكن تبينك اكبر من سنك..تجنبيها   الجمعة 1 يوليو - 10:29


اخطاء في المكياج ممكن تبينك اكبر من سنك..تجنبيها...

لما بنيجي نحط المكياج ساعات كتير بنقع في اخطاء من غير ما ناخد بالنا وفي الاخر بعد ما نحط المكياج نلاقية شكله مش حلو او تحسي ان المكياج كبر شكل وشك واداكي سن اكبر من سنك ونبقى مش راضيين عنه ومبنعرفش ايه الغلطة اللي ممكن نكون عملناها وطلعت شكل المكياج مش حلو عشان كده احنا النهاردة جيبنالكم اكتر 10 اخطاء في المكياج ممكن تقعي فيها بتكبرك او تطلع مكياجك مش حلو عشان تتجنبيهم ومتعمليهمش.

ياللا نعرف مع بعض ايه هي اكتر 10 اخطاء في المكياج بتقعي فيهم:

1- استخدام كريم اساس كتير:

اول غلطة في كتير مننا بيقعوا فيها اننا نحط كريم اساس كتير على البشرة وخصوصا للي عندهم عيوب على بشرتهم بقع او حبوب بيحطوا كريم اساس كتير عشان يغطوا العيوب دي لكن للاسف مش بتغطيها بالعكس بتظهرها زيادة لما بيتحط كريم اساس كتير بيدخل في خطوط البشرة وهتلاقيه بيتكتل في مناطق بالبشرة ومناطق لا ويخلي شكل بشرتنا مش حلو عشان كده الافضل إنك تحطي طبقة رقيقة من كريم الاساس عشان يطلع شكله طبيعي ومش لازم تغطي وشك كله بس ممكن تغطي الاماكن اللي محتاجة, لما تيجي تشتري كريم الاساس ابعدي عن الانواع المات او المخملية او اللي مكتوب عليها “Long Wearing” او بتقعد فترة طويلة اشتري كريم الاساس السائل ده يعتبر افضل الانواع والبشرة بتشربه بشكل افضل وبيبان طبيعي, والافضل استعمال الفرشة ومش ادينا لفرد كريم الاساس, بالنسبة للبنات اللي بشرتهم جافة بيعانوا كتير مع كريم الاساس لانهم لما بيجوا يحطوه بيلاقوه في قشور ظهرت على بشرتهم وبيبقى شكلها مزعج وبتبوظ المكياج حاولي تقشري بشرتك من مرتين لتلات مرات في الاسبوع عشان تتخلصي من الجلد الميت ورطبيها كويس بكريم مرطب ومغذي مناسب لبشرتك.


2- استخدام كونسيلر زيادة عن اللزوم:

الكونسيلر من الحاجات المهمة جدا اللي بتداري الهالات السودا تحت العيون لكن الغلطة اللي بنقع فيها اننا نحط منه كتير تحت العين ده هيخلي منطقة تحت العين لونها مش طبيعي وهيعمل خطوط تحت عينيكي لان الجلد اللي تحت العين ده بيكون رقيق وميستحملش كمية كبيرة من المكياج عشان كده حطي طبقة رقيقة من الكونسيلر بالفرشة وافرديها كويس تحت العين وحطية عند الزاوية الداخلية لمنطقة تحت العين لان دي هي اللي بيكون ظاهر فيها الهالات اكتر وفي نفس الوقت فيها خطوط اقل.


3- اختيار الروج الغامق:

الوان الروج الغامقة مع ان في كتير مننا بيفضلها بس تعتبر من اخطاء المكياج لان الالوان الغامقة بتصغر الشفايف عشان تخلي شفايفك مليانة حطي الوان روج فاتحة وفيها لمعة زي اللون الخوخي والالوان الوردي ودرجات الاحمر الناري, وخبراء المكياج بيستخدموا دايما حيلة عشان يكبروا الشفايف قبل ما يحطوا الروج بيرسموا خط بالقلم الهايلايتر فوق خط الشفة اللي فوق ويفردوه بصوابعهم على طول خط الشفة اللي فوق وبعدين يحطوا الروج الحيلة دي بتدي الشفايف حجم اكبر.


4- البودرة:

طبعا كلنا مش بنستغنى عن البودرة لكن البودرة بتطفي لمعه الوش وبتظهر خطوط الوش اكتر يعني ممكن نستغنى عنها خالص ونكتفي بكريم الاساس لو تغطيته كافيه بالنسبه لك, بس لو انتي متعودة عليها ومتقدريش تستغنى عنها ممكن تحطي بودرة شفافة بدل البودرة العادية لانها بتبقى خفيفة على الوش وبعدين تبدأي انك تحطي البودرة بس على منطقة “T-Zone” اللي هي الانف والدقن والجبين مش على الوش كله لان دي المناطق اللي بتكون محتاجة البودرة اكتر عشان تطفي لمعة الوش وخصوصا لو بشرتك دهنية لانها بيبقى فيها دهون اكتر من باقي الوش.



5- استعمال الكحل الاسود:

الكحل الأسود جوه العين من الحاجات اللي بتدي شكل حلو جدا للعين لكن بتدي شكل حاد للعين وبشكل عام بتخلي شكلك اكبر من سنك .. لاستعمال كل يوم يفضل إنك تبدلي الكحل الأسود بالكحل البني لان ده بيدي شكل انعم اوي للعين, كمان لو حطيتي خط كحل تخين بيطلع الشكل مش حلو احسن حاجة لما تيجي تحطي الكحل حطي بقلم كحل بني على خط الرموش اللي فوق عند الجذور وركزي وتخني الخط على الزوايا الخارجية للعين.

- تحديد الشفايف بلون أغمق من لون الروج:

تحديد الشفايف مهم لانه بيحافظ على الروج انه ميخرجش بره حدود الشفايف وبيساعدك ترسمي شفايفك بالروج مظبوط لكن لما تيجي تختاري لون قلم تحديد الشفايف اختاريه يكون لون شفايفك مش لون الروج بتاعك اللي انتي هتحطيه عشان يديكي شكل طبيعي اكتر وميبقاش التحديد باين على شفايفك, واختاري نوع قلم طري عشان يكون سهل عليكي تحددي بيه شفايفك, واملي شفايفك كلها بقلم التحديد مش بس لتحديد الشفايف الطريقة دي هتخلي شكله طبيعي اكتر وكمان بتثبت الروج فترة اطول.


7- وضع الماسكارا على رموشك اللي تحت:

من الحاجات الغلط جدا اللي في كتير بيقعوا فيها اننا بنحط الماسكارا على الرموش اللي تحت بيطلع شكلها مش حلو وفي معظم الوقت بتوسخ الجزء اللي تحت العين وبتغمق لونه, الافضل انك تحطي الماسكارا على الرموش اللي فوق بس تبدأي بالفرشة من جذور الرموش وتمشي على الرموش لحد الاخر.



8- اهمال البلاشر:

البلاشر بيدي حياة للمكياج بتاعنا وبيظهره عشان كده خليه من أساسيات مكياجك وبلاش تنسيه .. بس لو حطتيه بطريقة غلط مش هيديكي النتيجة المطلوبة, احسن طريقة تحطي بيها البلاشر انك تبتسمي ابتسامة خفيفة عشان تحددي عظمة الخد بتاعتك وتبدأي تحطي عليها البلاشر لحد منبت الشعر واستخدمي فرشة ناعمة كبيرة, وحطي البلاشر بطريقة دواير مش بخط مستقيم عشان الشكل يطلع حلو وطبيعي.


9- وضع الروج من قلم الروج:

طبعا اغلبنا تقريبا بنحط الروج من قلم الروج على طول ولكن ديه مش أحسن طريقة عشان عشان تمنعي ان اللون يسيح ويطلع بره حدود الشفايف , كمان بعد وقت الروج ممكن يكلكع أو يعمل تكتلات… أحسن طريقة لوضع الروج هي إنك تحطيه بصابعك او بفرشة الروج عشان تتأكدي إنك بتفرديه علي شفايفك بنسبة 100% وحطي الروج على منطقة نص الشفايف وبعدين افرديه بصابعك على باقي الشفايف وبعدين حطي ملمع شفايف .


10- اختيار قلم حواجب غامق:

قلم الحواجب مهم عشان بيحدد حواجبنا وبيظهرها لكن الغلط اننا نستخدم قلم حواجب غامق لان شكلهم هيطلع حاد جدا ومش طبيعي الافضل يكون لون قلم الحواجب افتح بدرجة او اتنين من لون حواجبك الطبيعية, ولو انتي شعر حواجبك من النوع اللي مش ناعمة او مش متساوية او اللي بتتسمى بــ”Wiry Eyebrows” وحابة انك تساويهم حطي عليهم جل الحواجب وسرحيهم بالفرشة على فوق وبعدين ساويهم بالعرض الطريقة دي هتظبطلك شكلهم.


لو مشيتي على النصايح دي واتجنبتي كل الاخطاء اللي قولنا عليها هتفرق معاكي اوي ومكياجك هيطلع جميل وطبيعي وهتكوني راضية عنه جدا ومش هيكبر أو يديكي شكل اكبر من سنك.




الرجوع الى أعلى الصفحة اذهب الى الأسفل
http://mazika21.ahlamoontada.com
 
اخطاء في المكياج ممكن تبينك اكبر من سنك..تجنبيها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أنا الحب ال كان :: المرأه وكل ما يخصها :: مكياج المرأه-
انتقل الى: